Tekin á 199 km hraða
mbl.is/Július
Setja bókamerki
Lögreglan á Suðurnesjum stöðvaði 18 ára stúlku á 199 km/klst hraða á Reykjanesbrautinni, á Strandarheiði, rétt eftir miðnætti í nótt. Að sögn lögreglu var stúlkan svipt ökuréttindum á staðnum. Stúlkan má búast við að fá sekt upp á annað hundrað þúsund króna, og missa prófið í þrjá mánuði.
Í viðurlögum fyrir ofsaakstur er 170 km/klst hraði hæsta viðmiðunin en ef hraðakstur fer yfir það fer málið fyrir dómara, sem ákveður upphæð sektar.
Samkvæmt ákvæði í reglugerð umferðarlaga má ökumaðurinn ekki aka bifreið aftur fyrr en hann hefur lokið sérstöku námskeiði og tekið ökupróf að nýju. Þetta ákvæði gildir um ökumenn sem eru á bráðabirgðaskírteini en alla jafna gildir það fyrstu 3 árin eftir að viðkomandi fær ökuréttindi.
Myndir: Grindavíkurvegur aftur undir hraun
Mjög alvarlegt ef Njarðvíkuræð gefur sig
Yfir 300 stæði fóru undir hraun
„Erum í miðri hrinu“: Styttist í Eldvörp
„Má segja að þetta gos hafi þjófstartað“
Hraun fór yfir Grindavíkurveg