Hótaði lögreglumönnum lífláti

Héraðsdómur Vestfjarða hefur dæmt karlmann í 45 daga skilorðsbundið fangelsi fyrir að hafa ítrekað uppi líflátshótanir og hótanir um líkamsmeiðingar í garð tveggja lögreglumanna, sem voru við skyldustörf á Ísafirði í febrúar í vetur.

Sagði maðurinn m.a. að þetta væri síðasta vakt lögreglumannanna og þeir væru búnir að vera, þeir væru báðir dauðir og yrðu báðir drepnir.

Maðurinn játaði sök fyrir dómi. Í dómnum segir að fyrir liggi að eftir að maðurinn var látinn laus úr haldi lögreglu hafðist hann ekkert að til að fylgja eftir hótunum sínum gagnvart lögreglumönnunum tveimur. 

• 1 blogg um fréttina

Bloggað um fréttina

• Ólafur Ragnarsson: Fréttir