Lögregla á Suðurnesjum ræðir við mótmælendur

Óskað var eftir aðstoð lögreglunnar á Suðurnesjum í Helguvík um tíu leytið í morgun.  Mótmælendur samtakanna Saving Iceland stöðvuðu þar vinnu við fyrirhugað álver og læsti hluti hópsins sig við vinnuvélar og aðrir klifruðu upp í krana.

Að sögn lögreglunnar á Suðurnesjum fóru nokkrir lögreglumenn á vettvang til þess að kanna aðstæður og ræða við mótmælendur.  Lögregla segir mótmælin hafa gengið rólega fyrir sig.

Saving Iceland setti upp búðir á Hellisheiði um síðustu helgi. Samtökin segja aðgerðunum í Helguvík vera ætlað að vekja athygli á eyðileggingu jarðhitasvæða á suð-vestur horni landsins og mannréttinda- og umhverfisbrotum Century í Afríku og á Jamaíka.

• 5 blogg um fréttina

Bloggað um fréttina

• Gísli Foster Hjartarson: Í steininn með liðið
• Rúnar Haukur Ingimarsson: Saving æsland ógnar öryggi
• Ingólfur Ásgeir Jóhannesson: Orka af landsnetinu?
• Birgitta Jónsdóttir: Fréttatilkynning frá Saving Iceland
• Jón Ingi Cæsarsson: Frí í dag.