Stálu fartölvum úr verslun Opinna kerfa

Brotist var inn í verslun Opinna kerfa að Höfðabakka 9 í Reykjavík í nótt. Höfðu innbrotsþjófarnir á brott með sér nokkrar HP fartölvur, þar á meðal tölvur úr nýrri línu sem kynnt hefur verið fyrir skólavertíðina sem hefst á næstu vikum.

Samkvæmt upplýsingum frá Opnum kerfum sker ein af þeim tölvum, sem þjófarnir höfðu á brott með sér, sig nokkuð úr og en engin slík tölva hefur verið seld enn sem komið er á Íslandi. Um er að ræða MTV útgáfu af HP Pavilion fartölvu.

Vilja lögreglan á höfuðborgarsvæðinu og starfsfólk Opinna kerfa biðja fólk að hafa opin augun og tilkynna tafarlaust til lögreglu ef vart verður við tölvuna eða aðila sem eru að selja nýjar HP fartölvur.

• 1 blogg um fréttina

Bloggað um fréttina

• Gísli Foster Hjartarson: Eru 3, 7 og 9 FARTÖLUR?