Töluverður erill í Eyjum

Töluverður erill var í Vestmannaeyjum í gærkvöldi og í nótt og mikið um ölvun.  Að sögn lögreglu gekk þó allt vel fyrir sig og ekkert stórvægilegt kom upp.  Húkkaraballið var haldið í gærkvöldi, en dagskrá Þjóðhátíðarinnar í Eyjum hefst formlega í dag.

Að sögn lögreglu er mikið af fólki komið til Eyja, og blíðviðri í bænum.  Áætlað er að um 3000 manns séu þegar komnir en skipuleggjendur Þjóðhátíðar spá fleiri gestum í ár en nokkru sinni fyrr. 

Einn Þjóðhátíðargestur var tekinn með 10 grömm af meintu maríjúana á leið í Herjólf í gærkvöldi.

• 1 blogg um fréttina

Bloggað um fréttina

• Gísli Foster Hjartarson: Vitinn gegn Myllunni