Nýjum Golf reynsluekið á Íslandi

Bílablaðamenn frá ýmsum löndum munu koma til Íslands í september til að reynsluaka sjöttu kynslóðinni af Volkswagen Golf, sem kemur á markað á næsta ári.

Þetta kemur m.a. fram í norska blaðinu VG í dag. Hanne Hattrem, blaðamaður VG, segir, að með þessu sé VW væntanlega að gefa til kynna að ýmsar umhverfisvænar nýjungar  séu í bílnum því á Íslandi sé að finna áfyllingarstöðvar fyrir vetnis- og metanbíla. Þá hafi Ísland lýst því yfir að það vilji vera leiðandi á sviði nýrra orkugjafa.

Gert er ráð fyrir að Golf VI verði frumsýndur formlega á bílasýningu í París í október. Myndir, sem sagðar eru vera af bílnum, eru þó byrjaðar að birtast í fjölmiðum.

VW Golf kom fyrst á markað árið 1974 og hefur verið einn mest seldi bíll í Evrópu síðan.

• 1 blogg um fréttina

Bloggað um fréttina

• Snorri Bergz: Jæja, best að drífa sig í Golf