Ásmundur mótmælir enn

Lögreglan á Suðurnesjum hafði í dag afskipti af sjómanninum Ásmundi Jóhannssyni sem hefur gert aflamarkslausan bát sinn út til veiða frá Sandgerði síðan 18. júní, en hann vill með þessu mótmæla kvótakerfinu og mannréttindabrotum sem hann telur sig hafa orðið fyrir af völdum þess.

Ásmundur var kallaður í land þegar hann svaraði ekki kalli Landhelgisgæslunnar. Ekki liggur fyrir með aflann en lögreglan ræddi við Ásmund og tók af honum skýrslu, en þetta er ekki í fyrsta sinn sem lögreglan hefur afskipti af Ásmundi vegna veiðanna.

Fiskistofa svipti Ásmund veiðileyfi sínu í júní sl. Þrátt fyrir það hefur Ásmundur haldið uppteknum hætti, en hann hyggst halda veiðunum áfram þar til stjórnvöld grípa í taumana.

• 3 blogg um fréttina

Bloggað um fréttina

• Dunni: Ási rembist
• Guðbjörn Jónsson: Ætli þeim takist að þvinga Ásmund til að kaupa kvóta???
• Hallgrímur Guðmundsson: Ásmundur enn að og Fiskistofustjóri