Engin þjóðarsátt um eldsneytisverð

Fé­lag ís­lenskra bif­reiðaeig­enda seg­ir, að það standi greini­lega ekki á N1 að hækka verð á eldsneyti um leið og gengi krón­unn­ar lækki, það sýni verðhækk­un fé­lags­ins í dag skýrt. Fé­lagið sé hins veg­ar mun seinna til þegar heims­markaðsverð á olíu lækk­ar og/​eða gengi krón­unn­ar hækk­ar.

„Kostnaðar­verð á hvern lítra af bens­íni og dísi­lol­íu er svipað nú því sem það var snemma í liðnum maí. Nýja verðið hjá N1 frá því í morg­un er nærri 10 krón­um hærra á hvern bens­ín­litra miðað við verðið eins og það var fyr­ir 3 mánuðum og dísil­lítr­inn er hvorki meira né minna en um 18 krón­um dýr­ari nú.

Það er greini­lega tómt mál að tala um þjóðarsátt fyr­ir dauf­um eyr­um ol­íu­kóng­anna hjá N1 - stærsta olíu­fé­lag­inu á Íslandi. En spyrja má hvort þetta sé það viðskiptasiðferði sem stjórn­end­ur fyr­ir­tæk­is­ins vilja láta kenna sig við," seg­ir á vef FÍB.

• 5 blogg um frétt­ina

Bloggað um frétt­ina

• Markús frá Djúpa­læk: Enn­einn
• Hall­dór Jónas­son: er ekki olí­an kom­in niður í 116
• G. Valdi­mar Valdemars­son: Ósvífni sem verður að svara
• Har­ald­ur Bjarna­son: Skila­boð á Vega­gerðar­skilti
• Har­ald­ur Har­alds­son: Eng­in Þjóðarsátt um eldsneytis­verð??????