Fagnar frumkvæði ASÍ

Ingibjörg Sólrún Gísladóttir, formaður Samfylkingarinnar, segist fagna frumkvæði forystu ASÍ sem hefur lýst yfir vilja til nýrrar þjóðarsáttar. Hún neitar því að stjórnvöld hafi orðið ber að sinnuleysi eins og framkvæmdastjóri ASÍ heldur fram.

Ingibjörg Sólrún segir, að þegar sé til samráðsvettvangur aðila vinnumarkaðarins og stjórnvalda en ekkert mæli á móti því að formfesta þetta samráð sérstaklega til að komast frá umræðustiginu yfir á aðgerðastigið.

Hún segir þó rétt að frumkvæðið komi frá aðilum vinnumarkaðrins þar sem forsendur kjarasamninga séu að bresta. Þeir komi þó ekki til endurskoðunar fyrr en í febrúar en hugsanlegt sé að stjórnvöld komi þar að fyrir þann tíma.

• 6 blogg um fréttina

Bloggað um fréttina

• Jón Aðalsteinn Jónsson: Ekkert frumkvæði hjá þeim
• Sigurður Jónsson: HVAR ERTU GEIR ?
• Guðmundur Jónas Kristjánsson: Viðurkennir frumkvæðaleysi Samfylkingarinnar
• G. Valdimar Valdemarsson: komast frá umræðustiginu yfir á aðgerðastigið ?
• Axel Jóhann Hallgrímsson: Ingibjörg Sólrún: Hvað sem þú gerir, ekki gera ekki neitt!
• Haraldur Bjarnason: Enn er erfitt að átta sig á Ingibjörgu