Leit hætt

Leit að manni, sem staðið hefur yfir við Vík í Mýrdal nú síðdegis, hefur verið hætt. Grunur leikur á að um gabb hafi verið að ræða, en lögreglan hefur fengið staðfestingu að maðurinn sé ekki á svæðinu. Lögreglan lítur málið alvarlegum augum, en það er í rannsókn.

Guðmundur Ingi Ingason, varðstjóri hjá lögreglunni á Hvolsvelli, segir að 27 björgunarsveitarmenn hafi tekið þátt í leitinni, en tilkynning barst lögreglu um kl. 15. Þá tók bátur frá Vestmannaeyjum þátt í leitinni og flugvél.

„Eins og staðan er núna þá er búið að afturkalla leit og talið að aðilinn sé annars staðar niðurkominn heldur en hérna,“ segir Guðmundur.

• 1 blogg um fréttina

Bloggað um fréttina

• Sigurður Hreiðar: Undir höndum aðila