Vilja átak í almenningssamgöngum

Vinstrihreyfingin – grænt framboð telur óhjákvæmilegt, að stórefla almenningssamgöngur í þéttbýli. Skorar þingflokkur VG á ríkisstjórnina að hætta skattlagningu á almenningssamgöngur, taka höndum saman við sveitarfélögin og leggja sitt af mörkum við að snúa vörn í sókn og treysta og efla almenningssamgöngur.

Í ályktun flokksins segir, að samhliða því að styðja við þróun vistvænna orkugjafa í samgöngum sé nauðsynlegt að auka hlut almenningssamgangna stórlega til að draga úr loftmengun. Fyrsta skrefið er að tryggja að almenningssamgöngur sitji a.m.k. við sama borð og hópferðaakstur við innkaup á nýjum farartækjum til fólksflutninga og enn fremur að almenningssamgöngur verði ekki til frambúðar miklu verr settar með tilliti til olíugjalds en þær voru þegar þungaskattur var innheimtur. 

• 3 blogg um fréttina

Bloggað um fréttina

• Guðjón Sigþór Jensson: Mikilvægt að efla almenningssamgöngur
• Dunni: Burt með stjórnina og betra leiðarkerfi
• Vilberg Helgason: Hvað eru almenningssamgöngur