Bera til baka fréttir um Tjarnarkvartett
Ólafur F. Magnússon.
Árvakur/Árni Sæberg
Setja bókamerki
Samstarfsmenn Ólafs F. Magnússonar, oddvita F-lista í borgarstjórn, bera til baka fréttir um að Ólafur hafi í morgun boðist til að segja af sér og greiða þannig fyrir myndun nýs meirihluta Framsóknar, Samfylkingar, Vinstri grænna og F-listans.
Heimildarmenn mbl.is úr hópi samstarfsmanna Ólafs herma, að Ólafur hafi verið spurður í morgun hvort hann væri reiðubúinn að hefja samstarf með nýjum Tjarnarkvartett. Ólafur hafi hins vegar afþakkað boðið eftir að hafa íhugað málið í hálfa klukkustund.
Ólafur mun ekki ætla að ræða við fjölmiðla í dag en boðuð er yfirlýsing frá honum síðdegis eða í kvöld.
Sjálfstæðisflokkurinn sleit í dag meirihlutasamstarfinu við F-listann og hafa í dag rætt við Framsóknarflokk um myndun nýs meirihluta.
Nýtt fangelsi í landi Stóra-Hrauns tilbúið 2028
Dómur þyngdur um þrjú ár
/frimg/1/53/8/1530849.jpg)
Fatlaður drengur fær ekki þjónustu í verkfalli
Yfir 300 stæði fóru undir hraun
„Höfum sloppið bærilega með skaða af þessu gosi“