Svandís segir ástandið í borginni snúið

„Þetta er næsti kafli í farsanum í boði Sjálfstæðisflokksins," segir Svandís Svavarsdóttir, borgarfulltrúi Vinstri grænna, um væntanlegan meirihluta Sjálfstæðis- og Framsóknarflokks í borgarstjórn.

Svandís segist vonsvikin að Óskar Bergsson, borgarfulltrúi Framsóknarflokks, skuli hafi ákveðið að vera sá sem bjargar Sjálfstæðisflokknum. „Ég hefði ekki haldið að væri það hlutverk sem hann vildi að yrði skrifað í sögubækur um hann," segir Svandís.

Svandís segir að ástandið í borginni sé mjög snúið og að borgarstarfsmenn og Reykvíkingar séu orðnir hundleiðir á ástandinu. 

„Sjálfstæðismenn eru búnir að vera með þvílíkan sirkus í gangi allt þetta kjörtímabil, þetta verður næsti kafli í því," sagði Svandís og bætti við að skortur sé á skynsemi í borgarmálum í Reykjavík.

• 4 blogg um fréttina

Bloggað um fréttina

• Bjarnveig Ingvadóttir: Að bjarga eða sýna ábyrgð
• Ólafur Als: Svandís á fjósbitanum ...
• Snorri Bergz: Lélegt atriði
• Magnús Helgi Björgvinsson: Allir að tala um að nú verð farið að vinna …