Umferðartafir í Hafnarfirði vegna olíuleka

Töluverðar umferðartafir eru á Reykjanesbraut við Lækjargötu, þar sem mikill olíuflekkur er á götunni.  Lögreglan, slökkvilið og hreinsunaraðilar eru að störfum.  Búast má við umferðartöfum næsta klukkutíma, samkvæmt tilkynningu frá lögreglunni á höfuðborgarsvæðinu.

Umferðartafir hófu að myndast við hringtorgið á gatnamótum Reykjanesbrautar og Lækjargötu um fjögur leytið í dag. 

Að sögn lögreglunnar á höfuðborgarsvæðinu var verið að hreinsa upp olíu sem hafði lekið í kjölfar umferðaróhapps.  Um var að ræða töluvert mikið magn af olíu. 

Að sögn lögreglu var óskað eftir aðstoð Slökkviliðs höfuðborgarsvæðisins auk Vegagerðarinnar sem kallaði út hreinsunarbíla. 

• 1 blogg um fréttina

Bloggað um fréttina

• Guðrún María Óskarsdóttir.: Hefði komið vel að hafa undirgöng undir Reykjanesbrautina innanbæjar.