Fjöldauppsagnir ekki á döfinni hjá borginni

Hanna Birna Kristjánsdóttir, oddviti sjálfstæðismanna í Reykjavík og verðandi borgarstjóri, sagði í fréttum Útvarpsins í kvöld, að starfsmenn Reykjavíkurborgar þurfi ekki að óttast fjöldauppsagnir. Ólafur F. Magnússon, núverandi borgarstjóri, sagði í dag að til skoðunar sé í borgarkerfinu að skerða launakostnað um 8%.

Ólafur las á blaðamannafundi í morgun upp úr minnisblaði fjármálastjóra borgarinnar þar sem fjallað er um hugsanlegan niðurskurð launakostnaðar. Hanna Birna sagði í fréttum Sjónvarpsins að hún hefði ekki séð þetta plagg enda væri fjármálastjórinn undirmaður borgarstjóra. Um væri að ræða hugmyndir sem menn ræddu sín á milli.

Þá sagði hún borgarstjóra brjóta trúnað með því að lesa upp úr minnisblöðum sem væru trúnaðarmál. Hins vegar væru engar tillögur af þessu tagi til meðferðar í borgarstjórn.

• 5 blogg um fréttina

Bloggað um fréttina

• Magnús Helgi Björgvinsson: Héldu menn að Ólafur færi þegjandi?
• Ólafur Als: Fráfarandi borgarstjóri á rugli
• Emil Örn Kristjánsson: Nei, hættu nú alveg, Ólafur!
• Jac Norðquist: og farsinn heldur áfram....
• Jóhannes Ragnarsson: Ólafur F. ahjúpar skítlegt ráðabrugg