Banaslys í Hellisheiðarvirkjun

Lögregla og sjúkralið frá Selfossi og Reykjavík voru kölluð að Hellisheiðarvirkjun upp úr kl. 19 í kvöld vegna alvarlegs vinnuslyss.

Lögreglumenn eru ennþá við vinnu á vettvangi en tveir erlendir starfsmenn verktakafyrirtækis létust í slysinu, samkvæmt upplýsingum frá lögreglu.   Samkvæmt upplýsingum frá Slökkviliði höfuðborgarsvæðisins lokuðust mennirnir inni í súrefnislausu rými.

Að sögn lögreglu er ekki er hægt að greina frekar frá tildrögum slyssins að svo stöddu en rannsókn er í höndum lögreglunnar á Selfossi og vinnueftirlits. 

Gerðar hafa verið ráðstafanir til að aðrir starfsmenn sem á svæðinu voru fái viðeigandi áfallahjálp.