Hreinsar veggjakrot í hálft ár

Veggjakrotari var staðinn að verki við fjölbýlishús á höfuðborgarsvæðinu í gær. Um var að ræða unglingspilt sem reyndi að komast undan en einn íbúanna náði til hans og kallaði til lögreglu.

Að sögn lögreglunnar á höfuðborgarsvæðinu játaði pilturinn sök en tjónið er nokkurt og fylgir því kostnaður að ná veggjakrotinu af. Að þessu sinni náðust sættir, sem felast í því að pilturinn málar sjálfur yfir krotið. Hann mun ennfremur mála yfir allt annað veggjakrot sem kann að koma á þessa fasteign næsta hálfa árið eða í sex mánuði.

Að sögn lögreglu munu íbúar hússins ekki leggja fram kæru í málinu standi veggjakrotarinn við sinn hlut. 

• 3 blogg um fréttina

Bloggað um fréttina

• Sigurbjörn Friðriksson: Svona frétt þarf að komast í hámæli öðrum til varnaðar.
• Gísli Tryggvason: Sáttamiðlun - jafnt í lögreglumálum og neytendamálum
• Anna Heiða Stefánsdóttir: gott