Helmingur yfir hámarkshraða

Helmingur ökumanna sem ók um Arnarbakka í Breiðholti í dag ók yfir hámarkshraða. Mælingar eru þó betri nú eða síðast. Mæling stóð yfir í klukkustund.

Brot 61 ökumanns var myndað í Arnarbakka í Breiðholti í dag.

Fylgst var með ökutækjum sem var ekið Arnarbakka í vesturátt, að Dvergabakka.

Á einni klukkustund, eftir hádegi,  fóru 123 ökutæki þessa akstursleið og því ók helmingur ökumanna, eða 50%, of hratt eða yfir afskiptahraða.

Meðalhraði hinna brotlegu var tæplega 48 km/klst en þarna er 30 km hámarkshraði. Tuttugu óku á 50 km hraða eða meira en sá sem hraðast ók mældist á 70. 

Niðurstaðan í dag er eilítið skárri en við síðustu mælingu í Arnarbakka. Þá óku 57% ökumanna of hratt eða yfir afskiptahraða en meðalhraði hinna brotlegu var þá ámóta og núna.  

• 1 blogg um fréttina

Bloggað um fréttina

• Guðmundur Jónsson: Glæpamenn?