Svið reist á Lækjartorgi
Setja bókamerki
Verið er að reisa svið á Lækjartorgi þar sem tekið verður á móti íslenska handboltalandsliðinu og öðrum ólympíuförum um klukkan 18:30 í kvöld. Þá er Skólavörðustígurinn fánum prýddur en ólympíufararnir munu aka niður hann á opnum vagni.
Ólympíuhópurinn er nú á leið til Íslands með flugvél Icelandair frá Frankfurt og lenda á Reykjavíkurflugvelli um klukkan 16:30.
Á leiðinni til Reykjavíkur verður mynduð heiðursfylking yfir Straumsvík. Tvær þyrlur Landhelgisgæslunnar og DC-3 vél Þristavinafélagsins, Páll Sveinsson, munu fylkja sér um Boeing 757 þotu Icelandair og fylgja henni inn til lendingar á Reykjavíkurflugvelli. Við Flugskýli 1 verður tekið á móti landsliðinu og fylgdarliði.
Ólympíufararnir munu síðan aka í opnum vagni frá Skólavörðuholti kl. 18 í fylgd lúðrasveitar, fánabera ungs íþróttafólks og lögreglu, og verður ekið niður Skólavörðustíg og Bankastræti að Arnarhól. Þar fer fram fagnaðarfundur þjóðarinnar undir stjórn Valgeirs Guðjónssonar.
Að þessu loknu mun handboltalandsliðið halda til Bessastaða þar sem Ólafur Ragnar Grímsson, forseti Íslands, veitir því fálkaorðuna.
Ók á hóp fólks á jólamarkaði: Einn látinn
„Börn heima sem maður myndi vilja hafa í skjóli“
Lát hjóna í Neskaupstað: Ákæra gefin út
Stormur á Þorláksmessu en víðast hvar stefnir í hvít jól
Alvarleg netárás á Wise
Funda með þingflokkum
Víkingar komnir yfir 800 milljónir í greiðslur
