Forsætisráðherra minnist Sigurbjörns Einarssonar

Með herra Sigurbirni Einarssyni biskupi er genginn mikilhæfur trúarleiðtogi og djúpvitur hugsuður, sem hafði með orðræðu sinni og framgöngu meiri og varanlegri áhrif á íslenskt trúarlíf og þjóðfélag en flestir Íslendingar fyrr og síðar, segir Geir H. Haarde, forsætisráðherra í yfirlýsingu en Sigurbjörn lést í morgun 97 ára að aldri.

„Allt til hinstu stundar var hann einlægur og virkur í þeirri köllun sinni að efla trúarvitund Íslendinga og mikilvægi kristinnar trúar í daglegu lífi. Prédikanir herra Sigurbjörns bera vott um innsæi hans og sálmar hans og bænir snerta streng í hjarta sérhvers kristins manns.

Við andlát hans er Íslendingum efst í huga þakklæti fyrir það sem hann veitti þjóð sinni. Hans er minnst sem ástsælasta andlega leiðtoga þjóðarinnar á síðari tímum.

Ég færi ástvinum herra Sigurbjörns einlægar samúðarkveðjur ríkisstjórnar Íslands og þjóðarinnar allrar.

Geir H. Haarde, forsætisráðherra."

• 8 blogg um fréttina

Bloggað um fréttina

• Guðrún María Óskarsdóttir.: Votta samúð mína, mikilhæfur maður fallin frá.
• Torfi Kristján Stefánsson: Athyglisvert dálæti sjálfstæðismanna á biskupi - en gott!
• Haraldur Bjarnason: Höfðingi er fallinn frá
• Jóhanna Magnúsar- og Völudóttir : "Einum er fyrir andann gefið að mæla af speki" ...
• Dögg Pálsdóttir: Blessuð sé minning herra Sigurbjörns Einarssonar
• Heimir Lárusson Fjeldsted: Mestur andansmaður er genginn
• Linda: Blessuð sé minning þín Sigurbjörn
• Þórhildur Helga Þorleifsdóttir: Hr. Sigurbjörn Einarsson...