Gámur fauk á staur á Kjalarnesi

Gámur fauk á ljósastaur við Klébergsskóla í hvassviðrinu á Kjalarnesi í nótt, en vindhraði mældist allt að 35 metrar á sekúndu um þrjúleytið í nótt. 

Að sögn Þórðar Bogasonar, búfræðings, fauk gámurinn á ljósastaur við grasvöll á skólalóðinni, og brotnaði staurinn.  Gámurinn stóð á planinu þar sem verið var að leggja gervigras á völlinn.   

Þórður segist ekki hafa orðið var við frekara tjón en vindhraði mældist um 35 metrar á sekúndu klukkan þrjú í nótt.