Með fíkniefni í endaþarminum

Tæplega tvítugur karlmaður var handtekinn á Akureyrarflugvelli í gær þar sem fíkniefnahundur lögreglunnar merkti hann við eftirlit. Í ljós kom að maðurinn hafði meðferðis um 10 grömm af efni sem talið er vera kókaín og hafði hann falið efnið í endaþarmi sínum.

Að lokinni skýrslutöku var maðurinn látinn laus og málið telst upplýst.

Í gærkvöldi var lögreglan með eftirlit með fíkniefnum á og við árlegt busaball VMA. Afskipti voru höfð af fjórum einstaklingum og fundust meint kannabisefni hjá einum þeirra ásamt tækjum og tólum til neyslu fíkniefna. Einnig fundust umbúðir utan af fíkniefnum á öðrum.  Fíkniefnahundur lögreglunnar var notaður við eftirlitið.

• 2 blogg um fréttina

Bloggað um fréttina

• Snorri Bergz: Úr hvaða rassi er dópið þitt?
• Bryndís Svavarsdóttir: Shit - skítur