Árekstur á Reykjanesbraut

Tilkynnt var um árekstur og bílveltu á Reykjanesbraut við gatnamót Grindavíkurvegar um sex leytið í morgun.  Lögregla, sjúkrabifreið og tækjabifreið frá Brunavörnum Suðurnesja fóru á staðinn.  Samkvæmt upplýsingum frá lögreglunni á Suðurnesjum rákust  jeppabifreið og fólksbifreið sem komu úr gagnstæðum áttum á og voru ökumenn einir á ferð. 

Ökumenn voru fluttir með sjúkrabifreið á Heilbrigðisstofnun Suðurnesja til skoðunar en meiðsli þeirra eru talin minniháttar.  Bifreiðarnar voru óökufærar og fluttar með dráttarbifreið.

Á ellefta tímanum í gærkvöldi var tilkynnt um árekstur á gatnamótum Hringbrautar og Vatnsnesvegar í Keflavík.  Engin slys urðu á fólki en bifreiðarnar voru ökufærar eftir áreksturinn.

• 1 blogg um fréttina

Bloggað um fréttina

• Jakob Falur Kristinsson: Reykjanesbrautin