AFL óskar eftir rannsókn sýslumanns

AFL Starfsgreinafélag á Austurlandi mun senda sýslumanni beiðni um að rannsakað verði til hlítar, hvort lög um atvinnuréttindi útlendinga, lög um skyldutryggingar lífeyrisréttinda, lög um slysatryggingar launafólks,  lög  um aðbúnað og hollustuhætti á vinnustöðum,  skattalög og önnur þau lög, sem virða þarf við starfsmannahald, séu haldin á veitingastaðnum Cafe Margréti við Breiðdalsvík.

Segir félagið, að ástæður þessarar beiðni séu fullyrðingar vertsins á veitingastaðnum um að starfsmenn AFLs stundi atvinnuróg. Með þessari rannsókn vonist félagið til að það  skýrist  hver sé með rógburð.

„Það er með  öllu ólíðandi að starfsmenn félagsins séu í þeirri stöðu að ráðist sé á þá vegna starfa þeirra fyrir félagið. Árás vertsins í gær hefur  kærð til viðeigandi yfirvalda," segir í tilkynningu AFLs.

• 2 blogg um fréttina

Bloggað um fréttina

• Haraldur Bjarnason: Eðlileg ósk
• Bergur Thorberg: Ísland versus Þýskaland