Þungaðar konur mótmæla

Boðaður fundur ljósmæðra og ríkissáttasemjara hófst klukkan tíu í morgun. Hópur þungaðra kvenna kom saman fyrir utan til að knýja á lausn í vinnudeilunni. Konurnar styðja ljósmæður í kjarabaráttu sinni og klöppuðu ákaft er samninganefnd þeirra gekk á fund sáttasemjara.

Eitt barn fæddist á Landspítalanum í nótt eftir að verkfall skall á og gekk fæðingin vel fyrir sig. Fjórar konur eru á fæðingardeildinni núna og von á einhverjum til viðbótar í dag. Að jafnaði fæðast átta börn á dag á spítalanum.

Landspítalinn mun geta veitt konum sem fæða þar alla þá ljósmóður þjónustu sem þær þurfa en verkfallið veldur því að þjónusta sem tengist sængurlegu skerðist.

Rauða línan

Rauða línan, stuðningsnúmer verðandi mæðra og aðstandenda þeirra, er rekin af Ljósmæðrafélagi Íslands. Þar fást upplýsingar um hvert verðandi mæður geta leitað og fengið þjónustu á meðan verkfallsaðgerðir ljósmæðra standa yfir.

Númerið er opið allan sólarhringinn þá daga sem barneignarþjónusta í landinu skerðist vegna verkfalla. 

• 2 blogg um fréttina

Bloggað um fréttina

• Axel Jóhann Hallgrímsson: 100 millur í her eða hjálp?
• Hlynur Hallsson: Redda þessu NÚNA!