Baráttufundur á Austurvelli

Fjölmenni var á Austurvelli þar sem konur efna til víðtækrar samstöðu með ljósmæðrum á Austurvelli í hádeginu. Þess var krafist að þegar í stað verði gengið til samninga við ljósmæður. Meðal þeirra sem ávörpuðu fundinn voru ófrísk kona, níu ára stúlka og langamma.

Bent var á að engin háskólastétt uppfylli jafn miklar menntunarkröfur og ljósmæður til að geta starfað við fag sitt eða 6 ára háskólanám nema dýralæknar. Samt séu ljósmæður í 7. neðsta sæti meðal 24 BHM félaga. Fyrsta skyndiverkfalli ljósmæðra lýkur á miðnætti. Annað verkfall skellur á miðnætti næsta miðvikudag verði ekki samið. Helmingur ljósmæðra hefur sagt upp störfum vegna óánægju með kjörin og taka uppsagnirnar gildi um miðjan mánuðinn.

• 4 blogg um fréttina

Bloggað um fréttina

• Smári Jökull Jónsson: Samfylking !
• Þórhildur Helga Þorleifsdóttir: Auðvitað
• TómasHa: Hvað með lækna?
• Ía Jóhannsdóttir: Baráttukveðjur yfir hafið og smá broslegt í lokin