Landsvirkjun vill Bjallavirkjun

Landsvirkjun vill koma svokallaðri Bjallavirkjun inn í rammaáætlun um nýtingu vatnsafls og jarðvarma. Bjallavirkjun yrði í Tungnaá, ofar en Sigölduvirkjun og myndi auka afkastagetu þeirrar virkjunar. Einnig myndi virkjun á svæðinu hafa áhrif á aðrar virkjanir á vatnasvæði Tungnaár- og Þjórsár, þar með talið þrjár fyrirhugaðar virkjanir í Þjórsá.

Þorsteinn Hilmarsson, upplýsingafulltrúi Landsvirkjunar, segir að engar áætlanir séu komnar á borðið um virkjun á þessu svæði. „Við höfum einfaldlega bent á þennan virkjunarkost og viljað að hann yrði tekinn inn í vinnu við rammaáætlunina. Þessi virkjunarkostur er á vatnasvæði sem þegar hefur verið hreyft við og Landsvirkjun hefur lagt áherslu á að nýta slík svæði umfram það að virkja víðar.“

• 3 blogg um fréttina

Bloggað um fréttina

• Baldvin Jónsson: Loksins kostur sem er ekki að öllu leyti slæmur...
• Jakob Falur Kristinsson: Landsvirkjun
• Sævar Helgason: Bjallavirkjun - verður Langasjó fórnað ?