Tveir handteknir í kjölfar húsleitar

Lögreglan á Blönduósi framkvæmdi í dag húsleit að undangengnum úrskurði Héraðsdóms Norðurlands vestra.  Ástæða húsleitarinnar var grunur um vörslu, neyslu, sölu og dreifingu fíkniefna á svæðinu. Nokkur grömm af ætluðum kannabisefnum fundust við húsleitina og voru tveir menn handteknir.

Við húsleitina naut lögreglan á Blönduósi aðstoðar fíkniefnalögreglumanna frá lögreglunni á Akureyri , en nú nýverið skrifuðu lögreglustjórarnir á Norðurlandi undir samstarfssamning um fíkniefnarannsóknir. Samvinna þessara lögreglumanna í dag er afrakstur þess samnings. 

Við leitina voru notaðir fíkniefnaleitarhundar lögreglunnar á Blönduósi sem og á Akureyri.  

Við yfirheyrslur viðurkenndu mennirnir, sem eru á þrítugsaldri, eign sína á fíkniefnunum og neyslu þeirra.  

Mönnum var sleppt að lokinni yfirheyrslu.

• 2 blogg um fréttina

Bloggað um fréttina

• Bergur Thorberg: Voðalega lítil frétt
• Ragnar Borgþórs: Búið, bless..