Gagnagrunnur um landnýtingu

Landbúnaðarháskóli Íslands vinnur nú að gerð gagnagrunns um landnýtingu. Losun gróðurhúsalofttegunda vegna landnýtingar er mjög stór þáttur í heildarlosun Íslands og vegur þar þyngst framræst votlendi. Aðeins brennsla jarðefnaeldsneytis losar meira af gróðurhúsalofttegundum á Íslandi.

Á vef landbúnaðarháskólans segir að starfsmenn LbhÍ hafi farið víða um land í sumar og safnað gögnum á svæðum sem höfðu verið valin tilviljanakennt.

Annars vegar var safnað upplýsingum um almenna skiptingu landsins með tilliti til landnýtingar og hins vegar upplýsingum framræslu votlendis.

Þess má geta að á hverju völdu svæði eru gengnar tvær fimm kílómetra langar línur og 10 punktar skoðaðir í hverri línu – og oft er farið yfir fjöll og firnindi. Við hvern punkt eru svo skráðir fjölmargir umhverfisvísar sem gera vísindamönnum kleift að flokka landið eftir.

• 1 blogg um fréttina

Bloggað um fréttina

• Guðrún María Óskarsdóttir.: Löngu tímabært verkefni.