Þyrlan leitaði í nótt

Landhelgisgæslunni barst í nótt neyðarskeyti frá Cospas Sarsat gervihnattakerfinu og var skeytið á flugvélatíðni en sendar í kerfinu eru bæði í bátum og flugvélum. Flugvél heyrði merkið um tíma.

Landhelgisgæslan ákvað að senda þyrlu til að leita á svæðinu en varð hún einskis vör þrátt fyrir leit í einn og hálfan tíma.

Skeytið er því óútskýrt en það getur farið af stað í skipum og flugvélum við hnjask eða ef búnaðurinn er ekki rétt meðhöndlaður. Bendir því flest til þess að um neyð hafi ekki verið að ræða.

• 1 blogg um fréttina

Bloggað um fréttina

• Jakob Falur Kristinsson: Neyðarkall