Þingmannamál lúta lægra haldi

Þingmenn eru ósáttir við hversu fá þingmannamál hljóta afgreiðslu. Þetta kom fram á Alþingi í dag en Katrín Jakobsdóttir, þingmaður VG, vakti athygli á því að á vel á annað hundrað þingmannamála munu ekki hljóta afgreiðslu áður en þingi er slitið í lok þessarar viku.

Það voru einkum stjórnarandstöðuþingmenn sem tóku undir með Katrínu og flokksbróðir hennar Árni Þór Sigurðsson sagði nýja þingmenn í öllum flokkum furða sig á því hversu mörg þingmannamál daga uppi. Pétur H. Blöndal, þingmaður Sjálfsæðisflokks, tók þó einnig undir gagnrýnina og áréttaði að Alþingi ætti að fara með löggjafarvaldið og framkvæmdavaldið með framkvæmdavaldið.

• 1 blogg um fréttina

Bloggað um fréttina

• Jenný Anna Baldursdóttir: Halló Alþingi!