Metuppskera korns í Skagafirði

Bændur eru langt komnir með að þreskja það korn sem ræktað var í Skagafirði í sumar. Að sögn héraðsfréttablaðsins Feykis stefnir í algjöra metuppskeru hvað varðar magn á hvern hektara, sem og heildarmagn korns þar sem aldrei hefur verið sáð í jafn stórt svæði og í vor.

Liðlega fjörtíu bændur stunda kornrækt í Skagafirði að einhverju marki. Haft er eftir Eiríki Loftssyni, ráðunauti  hjá Leiðbeiningarmiðstöðinni, að líklega hafi verið sáð í vel á fimmta hundrað hektara lands. Þá sé kornið mikið að gæðum því  skilyrði til ræktunar hafi verið einstök í sumar.

Bygg er eina korntegundin sem ræktuð er í Skagafirði og tilraunir með hin ýmsu afbrigði hafa staðið yfir allt frá árinu 1993. 

Fréttavefurinn Skagafjörður.com 

• 1 blogg um fréttina

Bloggað um fréttina

• Sigríður Laufey Einarsdóttir: Íslenskur landbúnaður- fæðuöryggi