Kveikt í jeppa við Grafningsveg

Kveikt var í sex ára gamalli Isuzu Trooper jeppabifreið þar sem hún stóð á Grafningsvegi við Hagavík.  Allt brann sem brunnið gat í bifreiðinni og málmurinn einn eftir. Bíllinn hafði staðið þarna tæpar tvær vikur með sprunginn hjólbarða.

Tilkynnt hafði verið um bílinn lögreglu nokkrum dögum áður en í henni kviknaði.  Þrátt fyrir ítrekaðar tilraunir náðist aldrei til eiganda.  Það er nokkuð ljóst að kveikt hefur verið í bifreiðinni. 

Lögreglan biður alla þá sem veitt geta upplýsingar um málið eða  mannaferðir á þessum slóðum aðfaranótt síðastliðins fimmtudags að hafa samband í síma 480 1010.

• 1 blogg um fréttina

Bloggað um fréttina

• Ásgrímur Hartmannsson: Þvílíkan tíma tekur að ná í einn bíl.