Væntingar til samnings

Gríðarlegar væntingar eru hjá starfsmönnum Elkem Íslands og Klafa til nýs kjarasamnings. Trúnaðarmenn fyrirtækjanna funduðu með Samtökum atvinnulífsins fyrir helgi þar sem farið var yfir komandi kjaraviðræður.

Í frétt á vef Verkalýðsfélags Akraness segir að Vilhjálmur Birgisson formaður telji grundvöll fyrir umtalsverðri hækkun á þau fyrirtæki sem starfa í stóriðjugreinum, s.s. Elkem, Norðurál og Klafa. Er þá litið til gengisfallsins sem orðið hefur en tvö fyrrnefndu fyrirtækin selja afurðir sínar í erlendri mynt og verð á kísiljárni og áli hefur hækkað.