Bæjarráð Kópavogs mótmælir gjaldskrárhækkun OR

Bæjarráð Kópavogs mótmælir harðlega ákvörðun stjórnar Orkuveitu Reykjavíkur um 10% hækkun á heitavatnsgjaldi. Hækkunin er sem olía á verðbólgubál og kemur því á versta tíma. Þetta kemur fram í ályktunartillögu sem bæjarráð Kópavogs samþykkti einróma í dag.

Fram kemur í tillögunni að það skjóti „skökku við að hækkunin skuli rökstudd með vísan til fjárfestinga Orkuveitunnar en það geti vart hafa verið ætlunin að þær myndu leiða til slíkra verðhækkana hjá almenningi. Bæjarráð Kópavogs skorar á eigendur Orkuveitunnar, þar sem Reykjavíkurborg fer með langstærstan eignarhlut, að endurskoða ákvörðunina,“ segir í ályktuninni.

• 4 blogg um fréttina

Bloggað um fréttina

• Magnús Helgi Björgvinsson: Tek undir með Bæjarráði Kópavogs
• Haraldur Bjarnason: Hefur áhrif um allt land
• Reynir W Lord: Sammála, þeir fyrstu til að hækka svo koma hinir á …
• Viggó H. Viggósson: Öfugsnúið