Fólk staðið að hnupli

Nokkuð var um það í dag að fólk ætlaði að fá sér vörur í verslunum á höfuðborgarsvæðinu án þess að greiða fyrir þær, en þeim varð ekki kápan úr því klæðinu.

Kona á sextugsaldri var staðin að hnupli í matvöruverslun á Seltjarnarnesi í dag og og önnur á þrítugsaldri í vesturbæ Reykjavíkur. Tvítug stúlka var gripin í Kringlunni, þegar hún ætlaði að yfirgefa verslun þar án þess að greiða fyrir fatnað, sem hún hafði tekið. Loks var karl á sextugsaldri staðinn að verki í ónefndri verslun á höfuðborgarsvæðinu, en maðurinn ætlaði að stela kynlífshjálpartæki.

• 2 blogg um fréttina

Bloggað um fréttina

• Einar Sveinn Ragnarsson: Fleshlight þá??
• Hallgrímur Guðmundsson: Hjólgraði, sársvangir og fatalitlir Íslendingar