Ingibjörg Sólrún gekkst undir aðgerð

Ingibjörg Sólrún Gísladóttir utanríkisráðherra gekkst undir aðgerð á Mount Sinai sjúkrahúsinu í New York í dag.  Aðgerðin var gerð vegna veikinda sem upp komu fyrir réttri viku og rekja má til meins í fjórða heilavökvahólfi. Utanríkisráðherra heilsast vel að lokinni aðgerð.

Ákvörðun um að aðgerðin yrði gerð í dag þar ytra, var tekin í kjölfar rannsókna sl. föstudag og að höfðu samráði sérfræðinga á Landspítalanum og lækna á Mount Sinai sjúkrahúsinu, segir jafnframt í fréttatilkynningu frá utanríkisráðuneytinu.    

Enn liggur ekki fyrir  hversu lengi Ingibjörg Sólrún verður frá vinnu vegna veikindanna. 

• 5 blogg um fréttina

Bloggað um fréttina

• Anna Ólafsdóttir Björnsson: Bataóskir og baráttukveðjur
• Björgvin Guðmundsson: Ingibjörg Sólrún gekkst undir aðgerð í New York
• Heimir Lárusson Fjeldsted: Biðjum fyrir Ingibjörgu Sólrúnu
• Stefán Friðrik Stefánsson: Baráttukveðjur til Ingibjargar Sólrúnar
• Bergur Thorberg: Ég sakna Ingibjargar