Guðjón A. Kristjáns­son, formaður Frjáls­lynda flokks­ins, seg­ir lítið annað hafi verið hægt fyr­ir ríkið en að ganga í málið og bjarga því sem bjargað verður.

„Hins veg­ar verð ég að segja al­veg eins og er, að ég hef full­an fyr­ir­vara á því að sömu for­ystu­menn stjórni þess­um banka þegar ríkið er orðið eig­andi hans, og hvað þá að þar verði áfram­hald­andi sams­kon­ar of­ur­launa­stefna og verið hef­ur í banka­geir­an­um. Ég hefði viljað sjá nýja menn við stjórn bank­ans, ég get ekki séð að mönn­um hafi tek­ist að stýra banka­kerf­inu eins og gera átti, af fullri ábyrgð. Við erum búin að horfa á menn velta sér upp úr tug­um millj­óna og alls kon­ar samn­ing­um. Ætlar ríkið virki­lega að fara á und­an í því að ráða menn á ein­hverj­um of­ur­laun­um? Er það launa­stefn­an? Ég vona að svo sé ekki," seg­ir Guðjón.

Hann tel­ur þá leið sem ríkið fór hafa verið skárri kost en þann að lána Glitni við nú­ver­andi aðstæður. Nú sé frek­ar von á að banka­kerf­inu verði veitt betra aðhald og eft­ir­lit, ekki hafi verið vanþörf á. Lán­veit­ing­ar hafi verið óhóf­leg­ar á þenslu­tím­um, t.d. til bygg­inga­fram­kvæmda sem nú lýsi sér í of­fram­boði á íbúðamarkaðnum. Mörg­um spurn­ing­um sé ósvarað.

„Ég vona að þess­ar aðgerðir dugi til þess að ríkið þurfi ekki að vera með frek­ari inn­grip. Ég vona að sam­trygg­ing bank­anna í lána­fyr­ir­greiðslu sé ekki með þeim hætti að það séu fleiri á sama stað. Menn hafa sagt fram á síðustu stundu að allt sé í lagi, eins og for­ystu­menn Glitn­is. Upp­lýs­inga­gjöf­in er ekki áreiðan­legri en þetta og því get­ur maður ekki full­yrt um að fleira sé í far­vatn­inu. Von­andi hef­ur okk­ur tek­ist að lág­marka skaðann, þannig að ríkið og þjóðin eiga von á að fá fjár­mun­ina til baka," seg­ir Guðjón, og tel­ur að nú þurfi að hagræða enn frek­ar á banka­markaði, ekki aðeins að fækka bönk­um held­ur ekki síður að taka á of­ur­laun­un­um, Ekki sé alltaf hægt að hag­fræða við skrif­stofu­borðið hjá gjald­ker­an­um.

Tengd­ar frétt­ir

Bankakreppa

Biðu sömu ör­laga og Ísland

• Vilja að bank­arn­ir end­ur­greiði aðstoðina
• Merki um siðrof í þjóðfé­lag­inu
• Eign­ir metn­ar á 775 millj­arða
• Aukn­ar álög­ur á íbúa Grims­by

» Fleiri tengd­ar frétt­ir

• 8 blogg um frétt­ina

Bloggað um frétt­ina

• Berg­ur Thor­berg: Aum­ingjaþur­fa­lingatorf­kofaund­ir­lægju­menn­ing­in og "hrifsa til sín" menn­ing­in
• Guðrún María Óskars­dótt­ir.: Eign­ar­hald hins op­in­bera í bank­an­um hlýt­ur að þýða aðkomu eig­enda.
• Ein­ar Sveinn Ragn­ars­son: Núnú?? Á ég þá hlut í Glitni semsagt?
• Jakob Falur Krist­ins­son: Glitn­ir
• Har­ald­ur Bjarna­son: Fara þeir á rík­is­starfs­manna­laun?
• Norðanmaður: Ekki fara þeir á at­vinnu­leys­is­bæt­ur !
• Bald­ur Gaut­ur Bald­urs­son: Hvar eru gömlu góðu banka­stjór­arn­ir?
• Jóna Kol­brún Garðars­dótt­ir: Er núna kom­in kreppa?