Öxarfjarðarheiði ófær

Öxarfjarðarheiði er orðin ófær og þæfingsfærð er á Hellisheiði eystri, samkvæmt upplýsingum frá Vegagerðinni.

Víða er orðið vetrarlegt og komin einhver hálka eða snjór sumstaðar á Vesturlandi, Vestfjörðum, Norðurlandi og Austurlandi. Hálka og hálkublettir eru sumstaðar á Snæfellsnesi og í Dölum. Á Vestfjörðum er snjóþekja á Þorskafjarðarheiði og norðanverðum Ströndum. Þá er hálka í Önundarfirði og Súgandafirði en hálkublettir mun víðar. Snjókoma eða él eru víða á Norður- og Austurlandi með tilheyrandi hálku, krapa eða snjó á vegum. Skafrenningur er á Möðrudalsöræfum og Vopnafjarðarheiði.

• 1 blogg um fréttina

Bloggað um fréttina

• Gunnar Th. Gunnarsson: Nagladekkin undir - Seyðisfjörður