Yfir 300 fjölskyldur fá vikulega matargjafir

Fjölskyldum sem fá matargjafir frá Fjölskylduhjálp Íslands og Mæðrastyrksnefnd í hverri viku hefur fjölgað um marga tugi frá áramótum.

Síðasta úthlutunardaginn fyrir mánaðamót fengu á fjórða hundrað fjölskyldna matargjöf hjá þessum aðilum.

Aðalheiður Franzdóttir, framkvæmdastjóri Mæðrastyrksnefndar, segir komum atvinnulausra hafa fjölgað og hún óttast að þær verði enn fleiri vegna ástandsins í þjóðfélaginu.

Fleiri fjölskyldur en áður hafa einnig beðið um aðstoð vegna kaupa á fatnaði og öðru vegna skólagöngu barna. Hjálparstarf kirkjunnar veitir aðstoð vegna skólabyrjunar og einnig styrk til tómstundastarfs barna.

• 3 blogg um fréttina

Bloggað um fréttina

• Linda litla: Yfir 300 fjölskyldur......
• Rannveig H: Afhverju heyri ég engvar raddir hrópa.
• Heiður Helgadóttir: Stéttamunur ætti ekki að vera til á Íslandi