Verslunarmenn vænta vöruskorts

„Það kemur mjög fljótlega til vöruvöntunar á ferskvörum á borð við ávexti og grænmeti. Þetta er bara staðan eins og hún er," sagði Andrés Magnússon framkvæmdastjóri Samtaka Verslunar og þjónustu í samtali við mbl.is

„Við höfum dæmi um það að stórfyrirtæki hafi ekki fengið gjaldeyrisfyrirgreiðslu í neinum af viðskiptabönkunum bæði í dag og í gær," sagði Andrés og bætti því við að eftir lengri tíma mætti vænta þess að vöruskorts færi að gæta í þurrvöru.

Erlendir birgjar krefjast staðgreiðslu

„Ég heyrði þó nokkur dæmi þess í morgun að erlendir birgjar krefjast staðgreiðslu og íslenskum viðskiptavinum er neitað um fyrirgreiðslu," sagði Andrés.

„Ég hef ekki heyrt það beint en það er komið í umræðuna," sagði Andrés er hann var spurður um það hvort kaupmenn hefðu áætlanir um vöruskömmtun.

• 5 blogg um fréttina

Bloggað um fréttina

• Ía Jóhannsdóttir: Það var þá! Er sagan að fara að endurtaka sig?
• Haraldur Bjarnason: Ætli það sé svo grábölvað?
• Njörður Helgason: Pöntun í Gutenberg.
• Baldvin Jónsson: Kaupum íslenskt
• Pálmi Hamilton Lord: Vöruskortur ? Matvörukreppa líka - hvað kemur næst