Fundi frestað fram eftir degi
Setja bókamerki
Fundir standa nú yfir í Ráðherrabústaðnum. Til stóð að fulltrúar Alþýðusambands Íslands og Samtaka atvinnulífsins kæmu þangað til fundar við ráðherra klukkan tvö í dag að en því hefur verið frestað fram eftir degi.
Um klukkan tvö gengu Sigurður Einarsson, stjórnarformaður Kaupþings, og Hreiðar Már Sigurðsson forstjóri þaðan út en hvorugur þeirra vildi tjá sig við blaðamann Morgunblaðsins á staðnum.
Stjórnendur stærstu lífeyrissjóða og landssambands þeirra funduðu í morgun og lauk fundinum fyrir hádegið. Þar var farið yfir stöðu mála og viðhorf innan sjóðanna könnuð. Rætt var um fyrirkomulag aðstoðaraðgerða við íslenskt fjármálakerfi, ef af verður.
Hrafn Magnússon, framkvæmdastjóri Landssamtaka Lífeyrissjóða, sagði samtökin hafa boðað stóran fund með formönnum og framkvæmdastjórum allra lífeyrissjóða á landinu, klukkan eitt í dag. Þar átti að kynna málin enn frekar og farið yfir atburði vikunnar.
Hleypt úr fangelsum til að berjast við eldana
Viðurinn sem kveikti í skóginum
„Maður er að anda að sér eignum fólks“
Hefði mjög gjarnan viljað hitta hann
Enginn fundur á dagskrá og stefnir í verkföll
Þyngra en tárum taki
„Ég á 10-15 vini sem eru búnir að missa allt“