Atburðir síðustu daga kalla á skýrari rök ESB-sinna
Setja bókamerki
Björn Bjarnason, dómsmálaráðherra, segir á vefsíðu sinni í kvöld að af öllu því, sem sagt hafi verið hér undanfarna daga í tengslum við hamfarirnar í fjármálaheiminum, séu einkennilegastar yfirlýsingarnar um, að vandræðn sýni að Ísland yrði betur sett innan Evrópusambandsins.
„Enginn fótur er fyrir þessum yfirlýsingum, þegar litið er til þess, sem er að gerast innan ESB þessa dagana. Þar koma menn sér ekki saman um nein sameiginleg viðbrögð heldur tekur hvert ríki ákvörðun með eigin hagsmuni í huga og sætir ámæli, ef eitthvað er gert, sem getur skapað öðrum vanda, eins og Írar máttu reyna, eftir ríkisstjórn þeirra ákvað að tryggja innistæður í bönkum. Síðan hafa fleiri ESB-ríki siglt í kjölfarið, nauðug, viljug. Sannast enn vegna þessa, að enginn er annars bróðir í leik, þegar hagsmunir af þessum toga eru í húfi.
Að öllu athuguðu ættu atburðir síðustu daga að kalla á skýrari og sterkari rök frá þeim, sem vilja Ísland í ESB, frekar en látið sé á þann veg, að nýta eigi núverandi ástand til að knýja á um nýja stefnu gagnvart ESB," segir Björn.
Fjallvegir á Vestfjörðum og víða um land á óvissustigi
Ríkisstjórnin ekki beint á leiðinni í jólafrí
Gular viðvaranir í dag og á morgun
Fundaði með starfsfólki í fjóra tíma í gær
Máttu ekki auglýsa „mesta úrvalið“ og „besta verðið“
Íslendingar vanir að klæða sig vel
Fyrsti ríkisstjórnarfundurinn hafinn
„Umferðin greinilega að þyngjast“