Óttast ýmsir að einhver sveitarfélög í Bretlandi geti ekki greitt út laun til starfsmanna um næstu mánaðarmót þar sem innieignir sveitarfélaganna séu  á reikningum íslenskra banka sem hafa verið frystar. Hafa sveitarstjórnarmenn leitað til breskra stjórnvalds um aðstoð vegna fjármálakreppunnar. Um 100 sveitarfélög á Englandi, Skotlandi og Wales eiga 842,5 milljónir punda inni á reikningum íslensku bankanna.

Hafa breskir bæjarstjórar átt í viðræðum við sendiherra Íslands í Bretlandi um að fá tryggingar fyrir fjárfestingum sínum í íslensku bönkunum, samkvæmt frétt BBC. Ætlun sveitarfélaganna er að þrýsta á stjórnvöld á Íslandi um að tryggja það að innistæður þeirra í íslensku bönkunum verði að fullu endurgreiddar.

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 1 blogg um fréttina

Bloggað um fréttina

• Magnús Helgi Björgvinsson: Bíddu við ég held að ríkið sé ekki ábyrgðum fyrir …