Engin annarleg skil
Setja bókamerki
Von er á íslenskum embættismönnum til Moskvu síðar í dag en þar hefjast á morgun viðræður við rússneska embættismenn um 4 milljarða evra lán sem rætt er um að Íslendingar fái hjá Rússum. Gert er ráð fyrir að viðræðurnar standi í þrjá daga.
Lánsáformunum hefur verið mætt með tortryggni og margir telja að Rússar sjái sér með þessu leik á borði að auka áhrif sín í NATO-ríki. En Benedikt Ásgeirsson, sendiherra Íslands í Moskvu, fullyrðir á fréttavef Moscow Times að engin annarleg sjónarmið liggi á bakvið og um sé að ræða mál viðskiptalegs eðlis.
„Ég veit ekki til þess að neitt hangi á spýtunni," segir hann við blaðið.
Benedikt segir, að líta megi á tilboð stjórnvalda í Moskvu sem traustyfirlýsingu við íslenska hagkerfið og framlag Rússa til að reyna að koma böndum á fjármálakreppuna.
Úlfar: Heppileg tímasetning á gosinu
Gosið gæti varað lengur: Meiri fyrirstaða í gosrásinni
Myndir: Grindavíkurvegur aftur undir hraun
Spara stórfé með olíukaupum ytra
Mjög alvarlegt ef Njarðvíkuræð gefur sig
„Má segja að þetta gos hafi þjófstartað“
Börn hafi engan rétt á leikskólakennslu
Maskína: Framsókn í fallbaráttu