Fjögur hundruð bloggfærslur

Grein sem Eiríkur Bergmann Einarsson ritar í Guardian og birtist á vefsíðu blaðsins í gær hefur vakið mikil viðbrögð. Ríflega 400 svör, athugasemdir og klausur frá lesendum hafa birst í kjölfar greinarinnar sem enn má finna á forsíðu vefjarins er hún mest bloggaða greinin í dag.

Eiríkur segir í greininni að það sé ekki við íslenskan almenning að sakast þó að nokkrir auðmenn héðan hafi gerst stórtækir með lánsfé á Bretlandi og að íslenska þjóðin sé ekki gjaldþrota.

Athugasemdir lesenda eru misjafnar, sumir taka undir og segja að þeir skammist sín fyrir aðgerðir forsætisráðherra Breta og að smánarlegt hafi verið að beita hryðjuverkalögum á íslensk fyrirtæki í Bretlandi.

Aðrir segja staðreynd málsins vera þá að enskir sparifjáreigendur geti ekki tekið út af reikningum sínum og að íslensk yfirvöld beri ábyrgð á því.

Einn lesandi segir að breska þjóðin hafi ekki kosið Brown og að það hafi verið smánarlegt af honum að nota hryðjuverkalöggjöfina og að hann hugsi bara um að bjarga eigin pólitíska skinni.

Sjá greinina og umfjöllunina hér.

• 6 blogg um fréttina

Bloggað um fréttina

• Atli Hermannsson.: Eiríkur og annað eyríki
• G. Tómas Gunnarsson: Ég tek ofan hatt minn
• Bryndís Svavarsdóttir: Hvað finnst hinum almenna Breta?
• Vilborg Traustadóttir: Já við erum reið - Hvað segir forsætisráðherra okkar um …
• Níels A. Ársælsson.: Einn aðal sökudólgurinn
• Stefán Friðrik Stefánsson: Aðför Bretanna að Íslendingum