Innganga í ESB eitt brýnasta hagsmunamál þjóðarinnar

Jafnaðarmenn á Akureyri lýsa yfir fullum stuðningi við þau sjónarmið sem formaður flokksins Ingibjörg Sólrún Gísladóttir hefur nýverið sett fram um Evrópusambandið. Fram kemur í ályktun frá þeim að innganga í ESB sé eitt brýnasta hagsmunamál þjóðarinnar.

Með sama hætti og hin íslenska landsbyggð þurfi á jafnaðarhugsjóninni að halda, sé aðild að Evrópusambandinu efnhagsleg og félagsleg nauðsyn fyrir íbúa þessa lands.
 
„Að loknum ragnarökum nýfrjálshyggjunnar, sem við nú verðum vitni að, verður ríkisstjórnin að skilgreina samningsmarkmið aðildarviðræðna vegna inngöngu í ESB. Að þeim loknum fari fram þjóðaratkvæðagreiðsla um fulla aðild að Evrópusambandinu og upptöku Evru sem framtíðar gjaldmiðils þjóðarinnar,“ segir í ályktuninni sem Samfylkingin á Akureyri, 60+ á Akureyri og Ungir jafnaðarmenn á Akureyri undirrita.

• 6 blogg um fréttina

Bloggað um fréttina

• Vésteinn Valgarðsson: Kratar trúa á auðvaldið
• Guðbjörn Jónsson: Er ESB næsti sýndarveruleiki sem við tökum kollsteypu í ???
• Hólmfríður Bjarnadóttir: Sammála Samfylkingarfólki á Akureyri
• Magnús Helgi Björgvinsson: Heyr, heyr
• Jakob Falur Kristinsson: ESB
• Björgvin Guðmundsson: Jafnaðarmenn á Akureyri vilja í ESB