Kosningabarátta Íslands í New York

Ólafur Ragnar Grímsson forseti Íslands ávarpaði ráðstefnu Sameinuðu Þjóðanna í beinni skjásendingu í dag og lagði hann áherslu á seiglu Íslands er hann kynnti framboð landsins til Öryggisráðsins.

Forsetinn sagði að Ísland gæti þjónað sem fyrirmynd annarra ríkja í lausnum á orkuvanda og loftslagsbreytingum.

Ólafur Ragnar líkti vandræðunum í fjármálaheiminum við fellibyl og sagði að slíkir bylir gengju gjarnan yfir smærri eyjar og yllu þar töluverðum skemmdum áður en þeir næðu meginlandinu.

Ráðstefnan fjallaði um lítil ríki sem vaxandi afl (Small States - Emerging Powers) og sagði að Íslendingar myndu jafna sig furðufljótt og að þar myndi samheldni og samstaða sem einkennir smáríki nýtast vel.

Í frétt sinni um framboð Íslands til Öryggisráðsins segir AFP fréttastofan að Ingibjörg Sólrún Gísladóttir hafi lofað því á ráðstefnu í sumar að Ísland myndi tala máli smáríkja í Öryggisráðinu og brúa bilið milli stærri ríkja sem hafa ráðið ferðinni í heimsmálunum með eigin hagsmuni að leiðarljósi.

• 4 blogg um fréttina

Bloggað um fréttina

• Einar Lee: Milljónaþjóðin Ísland, enn og aftur!
• Guðjón Heiðar Valgarðsson: eiga imf lánin að fara í að borga fyrir framboð …
• Sigurður Þórðarson: Ég set allt mitt traust á Austurríki og Tyrkland
• Hólmdís Hjartardóttir: Almenningur á Íslandi hefur aldrei haft áhuga á þessari útrás.