Bankarannsókn eðlileg

Guðjón Rúnarsson, framkvæmdastjóri Samtaka fjármálafyrirtækja, segir eðlilegt að farið verði vel yfir starfsemi bankanna svo hægt sé að draga lærdóm af því sem fór úrskeiðis.

Björn Bjarnason dómsmálaráðherra upplýsti á Alþingi í fyrradag að ríkissaksóknari myndi gera skýrslu um starfsemi bankanna þar sem aflað yrði staðreynda um starfsemi Glitnis, Kaupþings og Landsbankans, útibúa og fyrirtækja í þeirra eigu og tilfærslu eigna, einkum á síðustu mánuðum starfseminnar. Markmiðið með skýrslunni er að kanna hvort einhver refsiverð háttsemi hafi átt sér stað sem gefi tilefni til lögreglurannsóknar.