Þeir eru orðnir hluti af jólahefðinni, líkt og jólaskreytingarnar á Buchanan stræti í Glasgow. Frá lokum október og allt til jóla hafa hundruð Íslendinga í innkaupaleiðangri hertekið verslanir Skotlands og keypt gjafir á mun lægra verði heldur en heima. En í ár hefur innrásinni verið aflýst, að því er fram kemur í breska dagblaðinu Sunday Times. 

Segir í greininni að fall íslenska bankakerfisins hafi skilið íslensku krónuna eftir nánast verðlausa á sama tíma og mikil verðbólga éti upp þá litlu peninga sem Íslendingar eiga í handraðanum.

„Það er engin spurning um að mun færri ferðamenn frá Íslandi munu koma í ár til Skotlands," segir konsúll Íslands í Skotlandi, Cameron Buchanan.

Glasgow og Edinborg hafa verið vinsælir áfangastaðir fyrir Íslendinga en efnahagsástandið nú veldur því að allt er 20% dýrara í Skotlandi í dag en fyrir nokkrum vikum síðan. 

Tengdar fréttir

Bankakreppa

Biðu sömu örlaga og Ísland

• Vilja að bankarnir endurgreiði aðstoðina
• Merki um siðrof í þjóðfélaginu
• Eignir metnar á 775 milljarða
• Auknar álögur á íbúa Grimsby

» Fleiri tengdar fréttir

• 3 blogg um fréttina

Bloggað um fréttina

• Bergur Thorberg: Bráður tekur yfir brók
• Heiður Helgadóttir: Er ekki hægt að snúa dæminu við
• Haraldur Bjarnason: Gott mál